ILOILO CITY – Ang paghigugma sang isa ka amay para sa iya mga anak ang tuman ka dalom apang masami ini nga ginapakita sa indi kinaandan nga pamaagi.
Kaangay na lamang sang istorya sang isa ka 60 anyos nga amay nagikan sa Logroño, Spain agud nga masiguro nga ‘palainom’ nga anak ang indi madisgrasya sa iya salakyan kag makatuga pa sang trahedya.
Nakabaton ang pulis sang report nga may yara sang isa ka lalaki nga naga-vandal sang isa ka salakyan nga naka-park sa isa ka public road.
Sang nagresponde ang pulis, nakita nila nga nagpalagyo ang isa ka van kag gilayon nga ginpapondo.
Naabtan sang mga pulis ang isa ka tigulang nga lalaki kag ang hubog nga mas bataon nga pasahero.
Sang ginpamangkot sang otoridad, natukiban nga ang tigulang ang nag-vandal sang 32 anyos niya nga anak.
Ginpaathag sang amay nga ginkumbinsi niya ang iya anak nga indi mag-drive nga nakainom apang wala ini nagpati.
Bangud sang kakulba sa mahimo nga matabo, ginguba niya ang binatana sang salakyan, ginpakupos ang ruyda kag ginlampusan ang salakyan.
Indi pa klaro kun bala, ginkasuhan ang amay bangud sa ginhimo sini sa salakyan sang iya anak.
