ILOILO CITY – Gin-anunsiyo sang Bangsamoro Darul Ifta nga magasugod ang holy month of Ramadan bwas nga adlaw, Marso 23.
Ini ang gin-anunsiyo ni Abdulrauf Guialani, Bangsamoro jurist kag deputy mufti pagkatapos nga nag-perform sang moonsighting ang assigned groups.
Ang adlaw sang pagsugod sang Ramadan ang wala nagapareho sa nagkalain-lain nga mga pungsod bangud nga nagadepende ini sa lunar sighting sa tagsa ka lugar.
Ang Ramadan nga amo ang ika-siyam nga bulan sa Islamic calendar ang ginadumdom sang 1.7 billion Muslims sa bilog nga kalibutan pinaagi sa fasting kag pangamuyo.
Sa tion sang sini nga bala-an nga bulan, ang mga Muslims humalin sa pagbutlak tubtob sa pagtunod sang adlaw ang wala nagakaon kag naga-inom apang may yara lamang sang exceptions ilabi na ang mga may yara sang problema sa ikaayong lawas.
Ang mga Muslim ang wala man nagapanigarilyo kag nagapakighilawa sa tion sang holy month.
Samtang, ang Eid al-Fitr ang nagamarka sang katapusan sang Ramadan kag ginadumdom sa tagsa ka una nga tatlo ka adlaw sang Shawwal, ang ika-10 nga bulan sang Islamic calendar.
