ILOILO CITY – Ginpahayag ni Chinese president Xi Jinping nga i-prioritoize sang China ang alyansa upod sa Russia samtang nga nagahanda sa ikaduha nga pagpakig-istorya kay Russian president Vladimir Putin nga ginalauman nga magatutok sa Ukraine.
Ginpahayag man sang presidente nga gin-imbitar sini si Putin nga magbisita sa China sa katapusan sang bulan sa tinutuyo nga mabatuan sang alyansa ang Western power.
Ang trade ties sang Beijing kag Moscow ang nagpag-on pa humalin sang kampanya sang Russia sa Ukraine.
Suno kay Xi, padayunon sang Chinese government ang pagtutok sa ‘all-round strategic partnership’ sa tunga sang China kag Russia.
Ang pagbisita ni Xi sa Moscow ang ginapanan-aw nga makabulig kay Putin nga sa subong, nagapangulintas sang Western sanctions kag subject sang International Criminal Court warrant bangud sa akusasyon sang iligal nga deportation sang Ukrainian children.
