ILOILO CITY – Nagpatigayon sang test-fire sang anti-ship cruise missiles ang isa ka Russian Pacific Fleet warship sa Sea of Japan.
Duha ka “Mosquito” cruise missiles nga na-develop sang Soviet era ang nag-atake sa mock enemy warship ginabanta 100 kilometer nga distansya sa ginpatigayon nga exercise sa Peter the Great Gulf.
Sa Tokyo, ginpahayag ni Prime Minister Fumio Kishida nga magapadayon ang monitoring sang Japan sa hulag sang Russian military kag magahimo sang “necessary communication” sa Moscow.
Samtang, ginpakamalaut naman ni Russian Security Council Secretary Nikolai Patrushev nga close aide ni President Vladimir Putin ang Estados Unidos bangud sa pagduso sa Japan nga i-militarize ang Self-Defense Forces sini.
