ILOILO CITY – Gin-abisuhan ni Justice Secretary Jesus Crispin Remulla ang mga suspected masterminds sa pagpatay kay Negros Oriental Governor Roel Degamo nga maghinulsol subong nga Semana Santa.
Suno kay Remulla, tion na ini nga balikan ang mga sala kag maghinulsol.
Sang nagligad nga semana, gin-anunsiyo ni Remulla nga nadakpan sang National Bureau of Investigation ang isa sa gina-alegar mastermind sa assassination nga si Marvin Miranda.
Sang Lunes, ginpahayag man niya nga ang suspendido nga mamalidha nga si Arnolfo “Arnie” Teves Jr. ang naggwa nga main mastermind sa krimen kag ginlaragway nga “executive producer” nga amo ang naggasto sa operasyon.
Pahayag niya dugang, si Miranda ang wala nagakooperar sa otoridad.
Apisar sini, ginpanindugan ni Remulla nga ang kaso ang makabig na nga “closed”.
Kung madumduman, si Degamo kag ang walo ka iban pa ang ginpatay sa compound mismo sang gobernador sa Pamplona, Negros Oriental.
Si Teves ang gina-angut sa krimen matapos nga ang mga suspek sa krimen ang nagbuyagyag nga isa ka certain “Cong. Teves” ang nagmandu sa krimen.
Ini ang ginpanginwala naman ni Teves.
