ILOILO CITY – Nagaplano ang Department of Foreign Affairs nga pataason ang alert status sa Sudan sa Alert Level 3 bangud sang nagadamo nga numero sang Filipinos nga gusto nga magpauli.
Suno kay Foreign Affairs Undersecretary for Migrant Affairs Eduardo Jose de Vega, gin-recommend na sang ahensya ang pagpasaka san alert status nagikan sa Level 2 sa Level 3 humalin pa sang nagligad nga semana bangud madamo sang mga Pilipino nga gusto nga magpa-repatriate.
Sa subong suno kay De Vega, ang Philippine embassy sa Cairo, Egypt ang may setup na sa tagsa ka ceasefire kun sa diin, ang mga Filipino ang makabakal sang ila pagkaon kag groceries gamit ang cash allowance nga gina-wire sa ila.
Una na nga ginpahayag ni De Vega nga nagapanghanda na embassy sa Egypt sa posible rescue sang ginabanta 80 ka mga Pilipino.
Isa naman ka overseas Filipino worker ang nasamaran bangud sa away sa tunga sang Sudanese army kag paramilitaries.
May yara sang ginabanta 500 ka mga Pinoy sa Sudan, kalabanan sa ila ang mga professors sa international schools, company executives, ukon engineers.
