ILOILO CITY – Ginalantaw ni President Ferdinand Marcos Jr. ang posibilidad nga i-appoint bilang myembro sang Cabinet ang pila ka mga kandidato nga napyerde sa May 9, 2022 elections kasunod sang pag-expire na sang one-year ban para sa mga kandidato subong nga bulan.
Suno sa presidente, madamo sang maayo nga kandidato nga napyerde apang gusto nga magbulig sa pungsod.
Pahayag niya, sa ikaduha nga tuig sangiye termino, may yara sang idugang sa iya Cabinet agud nga mapabaskog pa ini.
Nagpamalibad ang presidente nga hingadlan ang mga kandidadto nga gusto niya nga i-appoint sa Cabinet bangud suno sa iya, kinahanglan pa niya nga istoryahon sang personal ang mga ini.
Base sa 1987 Constitution, wala sang kandidato nga napyerde ang mahimo nga ma-appoint sa ano man nga government ukon government-owned or -controlled corporations ukon sa ila mga subsidiaries, isa ka tuig pagkatapos sang election.
