ILOILO CITY – Gin-enganyo ni President Ferdinand Marcos Jr. ang publiko kag mga local government units nga magtipid sang tubig kag power resources kadungan sang pagpahangda sang Pilipinas sa El Niño subong nga tuig.
Suno sa presidente, ang power demand sang pungsod ang naglapaw na sa suplay, kag ang 35 percent nga pagnubo sang pag-ulan ang nag-apekto na sa pila ka mga dams, irrigation system kag hydroelectric power plants.
Bangud sini, ginmanduan niya ang Department of interior and Local Government nga ipalab-ot sa mga local government units ang kampanya sang administrasyon nga paghagan-hagan sang impact sang El Niño kaangay sang pagtipid sang tubig sa balay, sa mga car wash, kag ang pagbunyag sang golf course, kag pag-refill sa mga swimming pool.
Ini ang ginalauman nga makabulig sa pag-maintain sang suplay.
Dugang pa sang presidente, ang gobyerno ang nagasuporta sa mga proyekto agud nga makabulig generate ukon maka-store sang mas dako nga power sa Pilipinas.
Ang energy production suno sa iya ang ginapasanyog pa sa pagbukas sang mas madamo nga renewal energy sources.
Sang damlag lang, ginpalawig ang Malampaya service.
Magluwas sa pag-monitor kag pagtapna sang epekto sang El Niño sa agriculture, energy, kag health sectors, nagasugod na ang gobyerno sa pagpanghanda sa posible La Niña.
