Patay ang isa ka lalaki samtang naakaagom naman sang pilas ang iya nga utod matapos ginluthang sang isa ka barangay tanod sa Brgy. Palong, Malasiqui, Pangasinan gab-i sang Oktubre 14.
Base sa inisyal nga imbestigasyon sang kapulisan, samtang naga-inom-inom ang manghod kag ang iya nga pakaisa, ginpalapitan sila sang suspek kag nag-upod ini sa ila nga pag-imnanay.
Suno sa Malasiqui police chief PLtCol. Francisco Sawadan Jr., gin-istorya sang suspek ang biktima apang naglab-ot ini sa pagbaisay.
Hampason pa kuntani sang botelya sang suspek ang biktima apang nakalikaw ini.
Paglakat sang suspek, ginpahog pa sini ang biktima nga mabalik ini.
Pila lamang ka minuto, nag-gwa sa ila nga balay ang magulang sang biktima kag gin-estorya sini ang iya nga utod.
Apang, nag-abot man ang suspek nga may dala nga pusil.
Gintiro sang suspek ang kamagulangan nga lalaki kag naigo ini sa abaga nga bahin.
Nadala pa sa ospital ang magulang apang gindeklarar nga dead on arrival.
Gilayon naman nga nakatakas ang suspek nga nagapangatubang sang kaso nga murder kag frustrated murder.
