ILOILO CITY – Ginrekomendar sang House committee on ethics and privileges ang pagdagdag sang mas mabug-at nga penalidad batuk kay suspended Negros Oriental Representative Arnulfo Teves, Jr. bangud sa padayon nga pag-absent sini sa House of Representatives.
Suno kay COOP-NATCO Representative Felimon Espares nga amo man ang chairman sang komitiba, iya ginpahayag nga indi pa masapubliko kun ano ang rekomendasyon bangud nga wala sila ginhatagan sang otoridad sang bilog nga myembro sang komitiba.
Apang suno sa iya, mahimo nga dugang nga suspension ukon mas mataas pa apang wala man ginkumpirmar kun expulsion ukon sipa-on gid si Teves sa Kongreso.
Magadepende naman sa plenary kun i-adapt nila ang rekomendasyon ukon ibasura.
Sa subong, wala pa napahibalo ang kampo ni Teves may kaangtanan sa rekomendasyon sang komitiba.
Nahibaluan nga tubtob subong, wala sa gihapon nakapauli si Teves sa Pilipinas kag nagtapos naman ang 60 ka adlaw nga suspension batuk sa iya.
