ILOILO CITY- Nakaamat-amat na saylo sa ila mga temporary stalls ang pila ka mga vendors sa Iloilo Terminal Market ukon Super.
Sa interview sang Bombo Radyo kay Punong Barangay Woody Delariarte sang Brgy. Kauswagan, City Proper kag manugbaligya sa Iloilo Terminal Market, iya ginpahayag nga apisar gamay ang ila mga stalls,magamantinir anay sila para lang nga indi sila madulaan sang palangabuhian.
Suno kay Delariarte, magapangita nalang sila sang bodega kun sa diin nila mahimo nga ma-stock ang ila mga produkto bangud indi gid makaigo kun ila ini ibutang sa bag-o nga pwesto.
Nahibaluan nga kutob bwas nalang, Mayo 31 ang ginhatag nga plaso sa mga vendors nga magsaylo sa ila stalls antes siraduhon ang terminal market para sa rehabilitasyon.
