ILOILO CITY- Ginaselebrar subong nga adlaw sang 3rd Infantry Spearhead Division sang Philippine Army sa Jamindan, Capiz ang ika- 49 nga founding anniversary.
Nangin dinapit nga bisita si LTGen Romeo Brawner Jr.,Commanding General sang Philippine Army.
Sa iya mensahe, ginhatagan igtalupangod ni Brawner ang pagpangabay sa mga katapo sang rebelde nga grupo nga magbalik sa gobyerno kag kalimtan na ang ano man nga sahi sang armado nga pagpakig-away batok sa militar.
Suno kay Brawner, wala na sang makalabaw pa sa balatyagon nga magpangabuhi sang normal nga wala sang may ginapanaguan kag kaupod pa ang pamilya.
Samtang sa amo nga kahiwataan, naghatag sang pagpasidungog ang Philippine Army sa mga suldado nga naghalad sang ila mga kabuhi, amo man sa mga indibidwal nga personnel nga may dalayawon nga serbisyo kag sa mga stakeholders.
