ILOILO CITY – May yara sa gihapon sang langis sa duha ka tangke sang naglugdang nga MT Princess Empress.
Suno kay Philippine Coast Guard spokesperson Rear Admiral Armando Balilo, ang pagpasuyop sang langis nagikan sa tangke ang himuon subong nga semana.
Apang, wala pa natumod sang salvage operators kun may yara pa sang langis nga kinahanglan suyupon nagikan sa iban nga mga tangke.
Suno naman sa National Task Force Oil Spill, nakahanda naman ang final cleanup operations sa Oriental Mindoro nga magalawig sang 20 tubtob 30 ka adlaw.
Nagsugod naman ang siphoning operations sang Dynamic Support Vessel “Fire Opal” agud nga makuha ang nabilin nga langis sa naglugdang nga barko.
Pahayag ni Balilo, ang cleanup operations ang ginalantaw nga makumpleto sa Hunyo 19.
Ang MT Princess Empress ang naglugdang sang Pebrero 28 sa Naujan, Oriental Mindoro samtang nagakarga sang 900,000 liters sang industrial fuel.
