ILOILO CITY- Prayoridad gid sang Department of Education Region 6 ang seguridad kag ikaayong lawas sang mga atleta nga magahampang sa Palarong Pambansa nga magasugod sa Hulyo 29 kag magatakop sa Agusto 5 sa Marikina City.
Sa interview sang Bombo Radyo kay Mr. Hernani Escullar Jr.,spokesperson sang Department of Education Region 6, iya ginpahayag nga matawhay ang sitwasyon sang mga atleta sa ila billeting centers nga amo ang Calumpang Elementary School,Calumpang National High School kag Marikina Science High School.
Suno kay Escullar, may ginapatuman man nga curfew sa mga atleta agud mabantayan sila sang maayo.
Pahayag niya, sa subong, ginatinguhaan gid sang mga coaches,assistant coaches kag sang techincal working group nga mapabilin nga maayo ang kondisyon sang mga atleta agud nga mahatag nila ang 100% performance sa ila mga hampang agud malab-ot sang rehiyon ang handom nga mas mataas sa third place finish sa nagliligad nga mga edisyon sang Palarong Pambansa.
