ILOILO CITY- Nagtuga na sang madamo nga disgrasya ang lubak-lubak nga dalan sa idalom sang Buhang flyover sa Brgy. Buhang, Jaro, Iloilo City.
Sa interview sang Bombo Radyo kay alyas Marites, isa ka concerned citizen, iya ginpahayag nga halos kada semana, may nagakatumba nga motor sa lugar sa diin sang damlag lang, natumba gid ang motorsiklo nga ginasakyan sang mag-asawa sa diin nagabusong pa ang babaye bangud sa dako nga buho sa dalan.
Suno kay Marites, sa baylo nga makadiretso ang dalagan sang mga salakyan, nagahinay pa bangud sa gubaon nga dalan gani mas nagaka-delay ang mga motorista.
Kun tuman naman ka init, indi man maagwantahan ang pagtap-ok sang yab-ok.
