ILOILO CITY – Love and marriage know no age.
Ini ang ginpamatud-an sang 70 anyos nga bride nga si Amelia sang nagdesisyon nga mag- “I do” sa iya childhood friend nga si Felix nga masobra 60 na ka tuig niya nga wala nakita.
Ang anay manunudlo kag negosyante nga si Amy ang taga-Bulacan samtang naka-base naman sa abroad si Felix.
Nag-reconnect ang duha sang damlag lang pinaagi sa social media kag makaligad ang isa ka bulan, nagpauli si Felix sa Pilipinas agud nga makita sang personal ang iya nga “childhood crush.”
Wala na nagpaliguy-ligoy ang duha bangud matapos ang pila lamang ka bulan, nagdesisyon ang mga ini nga magpasakal.
Suno kay Felix, nagsugod sila sa chat, pagkatapos nangin audio na ang ila istoryahanay tubtob nga naga-video call na.
Madamo naman sang na-amaze sa love story sang duha.
Gani ikaw, indi magkalabalaka kun tubtob subong, wala ka pa sang lover ukon wala ka pa nakapakasal.
Basi pagkatapos pa sang lima ka dekada mapakita ang love of your life.
