ILOILO CITY – May daan na nga hambalanon nga ‘love knows no age’.
Ini ang nabaton naman halos sang kadam-an apang sa gihapon, sa Russia, nangin kontrobersyal ang kasal sang isa ka 53 anyos nga babayi kag sang 22 anyos nga lalaki.
Ang babayi amo ang musician nga si Aisylu Chizhevskaya-Mingalim samtang ang lalaki naman amo si Daniil nga gin-adopt niya sa sulod na sang halos walo ka tuig.
Bangud sang pagpakasal sang duha, ginpakamalaot si Aisylu kag ginkuha sa iya nga pagtatap ang lima pa niya ka mga foster children.
Suno naman kay Aisylu, ginpakaslan niya si Daniil bangud sang madugay na nga huring-huring nga magkarelasyon sila nga duha apang pahayag niya, ang ila nga relasyon ang spiritual lamang kag indi physical.
