ILOILO CITY- Liwat nga nag- atubang sa korte sa Washington si anay Presidente Donald Trump agud magtambong sa federal appeals hearing nga nakasentro sa kun may immunity ini gikan sa prosecution angot sa panumbungon nga ginplano sini nga baliskadon ang resulta sang 2020 election.
Ang amo nga hearing naga- feature sang panel sang tatlo ka huwes sang U.S. Court of Appeals para sa District of Columbia Circuit: si Judge Karen Henderson nga appointee ni former President George H.W. Bush, kag Judge Michelle Childs kag Judge Florence Pan, pareho nga appointees ni President Joe Biden.
Ang magtimbang nga bahin ang nagpresentar sang oral arguments nga ginsundan sang question-and-answer period upod sa mga legal teams.
Sa malawig nga argumento, ginapilit sang mga huwes ang abugado ni Trump nga depensahan ang claims nga may proteksyon si Trump gikan sa criminal charges para sa mga akto nga suno sa iya sakop pa sang iya katungdanan bilang presidente.
Ang amo nga argumento ang ginbasura sng nagligad nga bulan sang lower-court judge nga nagauyat sang kaso batok kay Trump, kag ang appeals judges naga- suhesityon paagi sa ila pamangkot nga sila mismo ang duda sa absolute immunity para sa presidente sa tion nga wala na sila sa posisyon.
Nahibaluan nga ang mga former presidents ang naga-enjoy sang masangkad nga immunity gikan sa mga kaso bangud sa mga tikang nga kabahin pa sang ila opisyal nga White House duties.
Apang bangud wala pa sang former president antes kay Trump nga na- indict, wala pa gid na-address sang korte kun ang proteksyon sa mga anay presidente ang nagasakop pa sang criminal prosecution.
Nanindugan naman ang kampo ni Trump nga wala sang otoridad ang korte nga mag- scrutinize sang opisyal nga akto kag desisyon sang presidente kag ang prosecution kag Trump ang isa lamang kag “politically motivated” nga kaso.
Nagpandam naman si Trump nga sa tion nga madayon ang iya prosecution, ini ang mangin kalaglagan sang Estados Unidos.
