ILOILO CITY- Agaw- eksena subong ang isa ka lola sa Quezon City.
Indi lang bangud nga gwapa siya, maputi kag sexy.
Kandidata man siya sa Miss Universe Philippines Quezon City.
Siya amo si Jocelyn Cubales, 69- anyos.
Suno kay Jocelyn, nagpasakop siya sa pageant bangud nagapati ini nga madamo sang matun-an sa iya ang younger generation bangud sa iya mga inagihan sa kabuhi.
Pahayag ni Jocelyn, halin sang bata pa siya, handom na niya nga mag-compete sa Miss Universe.
Sa pagkamatuod, sang 2017, gintiglawas na niya ang Pilipinas sa Mrs Universe 2017 kag nakuha pa ang Mother of the Universe Award.
Nahibaluan nga humalin sang ginbakal sang Thai transgender nga si Ann Jakrajutatip ang Miss Universe, gindula na ang age requirement gani mas madamo na ang nahatagan sang kahigayunan nga mahatagan katumanan ang ila handom nga mangin pinakamatahum nga babaye sa uniberso.
