Imagine kun ikaw nagalakat-lakat lang ukon indi gani naga-tambay lang sa kilid sang dalan, apang may nag-wild kag nagakuyampad na ang tanan.
Didto sa London, natabo ini apang indi tawo ang nag-amok kundi ang mga kabayo!
Ini nga mga elite nga kabayo sang military ang nakabuhi gikan sa prestihiyoso nga Household Cavalry ukon ang official bodyguard sang Hari kag amo ang nagapakigbahin sa mga ceremonial duties. Naka-base ini sa Hyde Park barracks nga malapit gid lamang sa Buckingham Palace.
Myerkules sang aga oras sa London sang ginhimo ang routine exercise sa Belgravia area.
Suno sa army, pito ka mga kabayo kag anum ka mga soldado gikan sa Household Cavalry ang yara sa amo nga exercise sang gulpi lang nga naggamo.
Apat ka service personnel ang nagtabog bangud sa pagkabuhi sang mga kabayo.
Isa ka puti nga kabayo ang nakuhaan pa sang video nga nagdugo ang lawas matapos nga nakabunggo ini sa taxi samtang ang isa naman ang nakabunggo sa windscreen sang naka-park nga bus.
Suno pa sa British Army, nakibot ang mga kabayo sang may nahulog nga semento malapit sa construction work sa ila nga lugar, gani nga nagpalalagyo ang mga ini kag nagtuga sang gamo.
Bangud sini, tatlo man ka mga soldado ang napilsan kag subong ginabulong man sa ospital apang estable an ang kondisyon.
Suno sa Army spokesperson: “A number of military working horses became loose during routine exercise this morning. All of the horses have now been recovered and returned to camp. A number of personnel and horses have been injured and are receiving the appropriate medical attention.”
Mangin ang City of London Police ang nahaw-asan man nga nakabalik na ang mga military horses. Kabahin sang statement sini, ” We are pleased to confirm that all of the horses have been accounted for. We are continuing to liaise with the Army.”#
