ILOILO CITY- Nangin madinalag-on ang sleep apnea operation sang actor nga si David Licauco.
Mismo ang senior artist handler nga si Isabel Bulatao ang nag-post tuhoy sa surgery ni David.
Tuman naman ang pagpasalamat sang actor sa tanan nga naghalad sang pangamuyo para sa iya operasyon.
Ang sleep apnea isa ka sleeping disorder kun sa diin samtang nagakatulog ang isa ka tawo,sulit-sulit siya nga nagauntat sa pagginhawa.
Kun matunog maghuragok ang isa ka tawo kag makabatyag sang kakapoy sa pihak sang bilog nga gab-i nga pagtulog, mahimo nga may sleep apnea ini.
Nahibaluan nga 16- anyos pa lang si Licauco sang nag- umpisa ang amo nga kondisyon.
Magalawig naman sang pila ka semana ang iya recovery matapos ang operasyon.
