Ginbulgar ni Senate Majority Leader Francis Tolentino nga nagpirma man ang ila kaalyado nga si Senator Ronald Dela Rosa agud sipaon sa pwesto si former Senate President Juan Miguel Zubiri.
Suno kay Tolentino, apisar magkaalyado sanday Dela Rosa kag Zubiri, apang nagpahayag ini sang suporta agud magpungko si Senator Francis Escudero bilang bag-o nga Senate President.
Ini ang sa tunga man sang pag-ako ni Zubiri nga nagalain ang iya buot kasunod sang iya pag-resign bilang Senate President.
Magluwas kuntani kay Dela Rosa, lakip man sa kilala nga kaalyado ni Zubiri amo sanday Villanueva, Senators Loren Legarda, JV Ejercito, Nancy Binay, Sherwin Gatchalian, kag Sonny Angara.
Si Dela Rosa ang isa sa mga senador nga naghibi matapos ang pag-resign ni Zubiri sa pwesto.
Apang sa pagkamatuod, indi man niya ini suportado.
