Napabilin ni Typhoon Aghon ang iya kabaskugon samtang nagahulag pa-Naaminhan-Nasidlangan sang Philippine Sea.
Ang sentro sini ang ginabanta yara sa kalayuon nga 100 km East Southeast sang Casiguran, Aurora.
Dala sini ang kabaskugon sang hangin nga nagadangat sa 140 km/h malapit sa sentro kag pagmadlos nga nagadangat sa 170 km/h.
Nagahulag ini pa Naminhan-Nasidlangan sa kadasigon nga 10 km/h.
Yari ang mga lugar nga napaidalom sa Signal No. 2 kun sa diin may minor to moderate threat sa kabuhi kag propiedad.
Sa Luzon:
Southeastern portion sang Isabela, kag northern portion sang Aurora
Yari naman ang mga lugar nga napaidalom sa Signal Number 1 kun sa diin may yara sang minimal to minor threat sa kabuhi kag propiedad.
Sa Luzon:
Northeastern kag southern portions sang Isabela, eastern portion sang Quirino, southern portion sang Nueva Vizcaya, nabilin nga bahin sang Aurora, northern portion sang Quezon lakip na ang Polillo Islands, kag northwestern portion sang Camarines Norte lakip na ang Calaguas Islands
Posible ini nga magguwa sa Philippine Area of Responsibility sa Myerkules sang hapon ukon sa gab-i bilang isa ka typhoon.
