ILOILO CITY- Gin-deactivate sang Commission on Elections (Comelec) Region 6 ang 212,082 ka mga voter registrations sa Western Visayas.
Santo sa data sang ahensya, as of April 15, ang Iloilo ang may pinakamataas nga numero sang gin-deactivate nga mga botante nga yara sa 99,970.
Ginasundan ini sang Aklan nga may 32,000; Antique nga may 27,937; Capiz nga may 42,703; kag Guimaras nga may 9,607.
Suno kay Atty. Dennis Ausan, director sang Commission on Elections (Comelec) Region 6, gin- deactivate ang nasambit nga mga botante bangud nga napaslawan ang mga ini nga makaboto a duha ka sunod-sunod nga eleksyon.
Ang pila pa ka mga rason sang deactivation amo ang may masunod:
1.Kun ginsentensiyahan sang final judgment agud mapreso sang indi magnubo sang isa ka tuig
2.Kun ginsentensiyahan sang final judgment nga nakakumiter sang krimen nga naga- involve sang disloyalty sa gobyerno
3.Kun gindeklarar sang otoridad kun incompetent ini ukon wala sa husto nga paminsaron
4.Kun nadula ang Filipino citizenship
Gin-athag naman ni Ausan nga ang proseso sang deactivation ang nagakinahanglan sang approval halin sa Election Registration Board (ERB) kag ang botante nga involved ang ginapadal-an sang sulat agud mapahibalo ini.
Mahimo naman nga mag-reactivate sang registration paagi sa pagpadulong sa talatapan sang election officers sa syudad ukon banwa.
