ILOILO CITY- Ginbawian na sang iya lisensya bilang abugado si former New York City Mayor Rudy Giuliani bangud sa iya pagbulig sa pagtuyo nga baliskaron ang resulta sang eleksyon sa Estados Unidos sang 2020 agud magpabor kay Donald Trump batok sa nagdaug nga si Joe Biden.
Gin-anunsyo sang New York Supreme Court ang desisyon nga nagadumili kay Giuliani nga mag- practice sang law.
Si Giuliani ang una na nga gin-suspend nga mag- practice sang iya pagkaabugado samtang ginakonsiderar sang New York court ang attorney discipline proceedings batok sa iya.
Suno sa korte, gin-gamit ni Giuliani ang iya prominente nga posisyon bilang personal attorney para kay former President Trump kag iya kampanya kun sa diin pila ka beses ini nga hungod nga naghimo sang sala nga pahayag kag wala sang basehan nga gin-atake ang 2020 Presidential election kag ginhigkuan ang integridad sang electoral process sang Estados Unidos.
Si Giuliani nga anay mayor sang New York City,ang nangin isa ka federal prosecutor kag legal adviser ni Trump.
