Nag-file sang ethics complaint si Senator Nancy Binay batok kay Senator Alan Peter Cayetano.
Ini ang kaangot sa mga ginpangbuy-an nga pahayag ni Cayetano sang nagbais ang mga ini kaangot sa gasto sa New Senate Building nga nagtulod kay Binay nga mag-walk out.
Sa nasambit nga hearing, gintawag ni Cayetano si Binay nga “marites,” nga isa ka bantog nga termino para sa mga tsismosa kag gin-akusaran man sini ang senadora nga naga-disturbo sa Senate hearing.
Magluwas diri, gintawag man ni Cayetano si Binay nga Buang.
Ang Senate Committee on Ethics and Privileges amo ang may katungdanan agud diskusyunan ang tanan nga mga bagay kaangot sa pagbinatasan, kinamatarong, prebilihiyo, seguridad, dignidad, integridad kag reputasyon sang Senado kag mga myembro sini.
Nahibaluan nga nagpatigayon sang hearing ang Senate committee on accounts nga ginapamunuan ni Cayetano matapos ginmando ni Senate President Francis “Chiz” Escudero ang pag-review sang gasto sa pagpatukod sini nga nagadangat sa P23 billion.
Ginpanginwala naman ni Binay, anay chair sang accounts committee nga nagdangat sa P23 billion ang gasto sa New Senate Building sa baylo yara lang ini sa P21 billion.
Ginpanindugan naman ni Cayetano nga Sa hearing, ginpahayag ni Cayetano nga P23 billion ang balor sang kontruksiyon sang building lakip na ang P1.6 billion para sa land acquisition.
