Nakasulod na si Carlos Yulo kag ang iban pa nga Filipino gymnasts sa Olympic Village sa France antes ang opisyal nga pagbukas sang Paris Summer Games sa Sabado, Hulyo 27 (oras sa Pilipinas).
Kaupod sang 24-anyos nga Pinoy gymnast kag two-time Olympian amo sanday Aleah Finnegan kag Emma Malabuyo.
Ini nga 54-hectare Olympic Village ang nahamtang malapit sa Seine River, naga-feature sang 3,200-seat dining hall, may 24-hour gym,may 3,500-square-meter polyclinic, kag may gamay nga supermarket.
Nahibaluan nga 10,500 ka mga atleta ang magapasakop sa Summer Games kag magluwas sa sini nga village, may yara man sang tiniran nga satellite villages sa Chateauroux (shooting), Lille (basketball preliminaries and handball), Marseille (sailing) kag Tahiti (surfing).
Si Yulo, kaupod ang boksidor nga si Eumir Felix Marcial kag rower nga si Joanie Delgaco amo ang una sa delegado sang Pilipinas nga una nga magasabak sa kumpetisyon sa Olympiada subong nga tuig.
22 tanan ang tiglawas sang Pilipinas sa sini nga edition sang Olympics kun sa diin tuyo nga malapawan ang nalab-ot sang nagligad nga 2020 Olympics sa Tokyo — isa ka gold medal, duha ka silver, kag isa ka bronze.
