Daw kaangay nga nagdaog lang liwat sa Olympics ang pamatyagan ni Carlos Edriel “Caloy” Yulo matapos nagkampyon siya sa floor exercise sa Asian Games sa Japan.
Si Yulo nga amo ang una kag isahanon nga Pilipino nga atleta nga nakadaog sang duha ka Olympic gold medals amo ang una nga nakabulsa sang bulawan nga medalya para sa Pilipinas subong nga Asiad.
Nadugangan sang daku nga titulo ang iya koleksyon matapos makalab-ot sa score nga 14.666 sa performance sini sa final kaina sa Nagoya City General Gymnasium.
Ginalabawan niya si Milad Karimi sang Kazakhstan nga nakakuha sang silver medal sa score nga 14.600. Ang Japanese naman nga si Shoma Tsukiyama ang nagdaog sang bronze nga may score nga 14.566.
Ang kadalag-an ni Yulo nag-abot walo ka tuig matapos nga wala siya makakuha sang medalya sa iya debut sa Asian Games sa Indonesia.
Top qualifier siya antes ang 2018 floor exercise final, apang nahulog siya sa isa ka tumbling pass kag nagtapos sa ikapito nga pwesto.
Suno sa 26-anyos nga gymnast, ang Asian Games gold daw kaangay man sa pagdaog sang Olympic title bangud nakahatag ini sa iya sang kahigayunan nga makabawi sa iya natabo sang 18 anyos pa siya.
“This medal, it’s like winning the Olympics, also because it’s kind of the same back when I was 18 years old, at the 2018 Jakarta Asian Games,” suno kay Yulo.
“I kind of messed up my routine there. I was a finalist on floor and vault, but it wasn’t really a good performance… And at the same time in Tokyo Olympics, it’s kind of the same. It was really messed up,” dugang sini matapos nga wala man ini mag-qualify sa floor final sa amo nga edition sang Olympic Games.
“It’s really a good story, and I feel like I redeemed it in this competition.”
Sa Paris 2024 Olympics, nangin una nga Olympic gymnastics champion sang Pilipinas si Yulo matapos magdaog sang gold sa floor exercise. Nagdugang pa siya sang ikaduha nga gold medal sa vault.
Suno pa kay Yulo, ang Asian Games title isa pa ka tikang padulong sa iya handum nga madepensahan ang iya mga Olympic title sa 2028 Los Angeles Olympics.
“That’s a big one, and I feel like there’s still a lot of time,” pahayag sini kaangot sa palaabuton nga Olympics sa Los Angeles.
“I’m preparing myself right now. This competition is part of it also, and I’m building my confidence also through these competitions. I know when the time comes when we are there, I just pray that I’m safe, and I enjoy that moment and I appreciate that moment,” dugang niya.#
