Nasubuan gid si Senator Ronald “Bato” dela Rosa nga may mga mamalidha nga lunsay dayaw sang tion nga ginpatuman sang Duterte administration ang drug war apang nagkambyo ang mga pahayag kag naglain na ang tono sang nagbag-o naman ang administrasyon.
“Opportunistic” ini nga sahi sang mga pulitiko suno kay Bato nga amo man anay ang chief sang Philippine National Police (PNP) sang tion sang war on drugs.
Apisar nahangpan sini nga kabahin lang ini sang pulitika, makasulubo suno pa sa senador nga daw kaangay nga nalipatan na sang sini nga mga mamalidha ang ila mga prinsipyo.
“Nakakalungkot isipin. Kung gaano kabilis noon, they are singing ‘hallelujah’ to us ‘thank you for drug war, thank you for the peace and order, thank you for the tranquility, thank you for keeping the streets safe from the drug menace, thank you and thank you,’ bow and bow,” suno kay Dela Rosa.
Sugpon sini: “Ngayon, you are the villain. ‘Bakit kayo nag-conduct ng war on drugs…? Mali ang ginawa ninyo. Ganun kabilis magbago ang tao.”
“For those who are so fast in changing their stand, in changing their views and changing their everything, all I can say is that these people are so opportunistic. They forget their principles,” pahayag pa sini.”Mas pina-prioritize nila ‘yung opportunity. Whatever that opportunity is, sila lang nakakalaam.”
Gin-athag man sang senador nga wala siya naga-generalize ang tanan nga kongresista bangud nagapati siya nga may pila man ka miyembro ang Kamara nga nagahipos lamang bangud indi gusto i-antagonize ang liderato kag ang mga katapo sang majority bloc.
Ini nga pahayag ni Dela Rosa ang kadungan sang ginapatigayon subong sang Kamara nga hearings agud busision ang kahilabtanan sang Philippine Offshore Gaming Operators (POGOs) sa extrajudicial killings (EJKs) nga nahimo sa idalom sang war on drugs sang Duterte administration.
‘Redundant” man para kay Bato ang imbestigasyon sang Kamara sa EJKs kag sa drug war bangud amo man ini nga mga tawo ang nag-testigo anay sa amo man nga claims apang tubtub subong, wala pa sang kaso nga na-file sa korte.
“We are wondering why binuhay na naman nila. Kaya nga that even emboldened us, together with [former] President Duterte, not to attend dahil paulit-ulit na lang ‘yan. The same people tinatanong. Same answer ang sinasabi and yet wala naman silang nakasuhan. Noon pa ‘yan, pabalik-balik na,” pahayag sini.
“‘Yung POGO is different pero nili-link pa rin nila sa EJK, nili-link pa rin nila sa drugs. So be it. Let them conduct investigation. I’m not criticizing their investigation about POGO. Sa akin lang ‘yung drugs and EJK na ulit-ulit lang,” dugang sini.#
