Patigayunon na subong nga adlaw, Septyembre 13, ang arraignment sa mga kaso nga ginapangatubang ni Kingdom of Jesus Christ (KOJC) leader kag founder Pastor Apollo Quiboloy.
Pisikal nga magatambong si Quiboloy kag iban pa nga kaupod nga akusado sa arraignment sa Pasig City Regional Trial Court Branch 159 subong nga aga kag mangin virtual naman karon sa hapon sa Quezon City Regional Trial Court.
Nahibaluan nga sa korte sa Pasig, isa ka non-bailable ukon wala pyansa nga kaso nga qualified trafficking in persons ang ginapangatubang sang pastor, samtang sa korte naman sa Quezon gin-file ang kaso nga child abuse batok sa iya.
Suno kay Philippine National Police (PNP) spokesperson Police Colonel Jean Fajardo, wala sila sang na-monitor nga may pamahog sa seguridad ni Quiboloy.
Hugot man ang pagbantay bangud ginalauman na nga magluwas sa media, magadugok ang supporters sang pastor sa palibot sang korte.
Kahapon sang ginbulgar sang pulis ang bag-o nga impormasyon nga may lima ka bag-o nga mga ginaalegar biktima nga nagpahayag nga gin-rape sila sang pastor.
Graphic kag sensitive ang detalye suno kay Fajardo, apang base sa impormasyon, naabuso sila sa edad pa lamang nga 12 tubtub 13-anyos.
“As to the details at medyo sensitibo yung mga detalyeng binigay doon at kung kayo siguro yung makakakinig medyo…horrible is for lack of better word po. Medyo ganun ang pagkuwento sa akin,” pahayag ni Fajardo. “So just can’t imagine a minor being sexually molested by an individual at sinasabi po nila as early as 12 or 13 years old they were allegedly sexually molested by Apollo Quiboloy.”
Gin-alegar sang mga biktima nga ginhambalan sila nga ang pagpakighilawas kay Quiboloy amo ang ila mangin “pass” pakadto sa langit.
“Ang isang sinasabi is diyos ang kanilang pinagsisilbihan at kung anuman yung gagawin nila ay yun yung parang kanilang passes to heaven,” pahayag sini.
Ginapapati man sila nga bisan nagamit na sila sang pastor, “pure kag intact” man gihapon ang ila nga pagkababaye bangud ang nagpakighilawas sa ila amo ang espiritu sang Diyos.
“Pagkatapos gamitin diumano ni Pastor Quiboloy itong mga bata, ang sinasabi sa kanila they are still pure, intact pa rin yung kanilang pagkababae dahil ang nakipagtalik sa kanila ay ‘espiritu ng diyos’.”
Gina-alegar man nga may schedule sila — buot silingon, may pang-Lunes, may pang-Martes — kun magpakighilawas sa pastor.
“Yun din po ang sinabi sa atin. Itong particular na bata na ‘to pang-Lunes, ikaw ay pang-Tuesday, ikaw ay pang-Wednesday. At paulit-ulit, not once, not twice,” suno sa PNP spokesperson.
Suno kay Fajardo, nagpahayag man ang mga biktima nga ginpaandaman sila nga kun magpanugid sila sa sini nga sexual activities kaupod kay Quiboloy, panglagson sila sang ginatawag nga “angels of death.”
Indi klaro kun literal nga goons ang angels of death ukon isa ka figurative speech agud pahugon ang mga bata.
“They are being threatened na kapag sila ay i-break nila ang code of secrecy at sabihin nila kaninuman yung kanilang naranasan sa kamay po ni Apollo Quiboloy ay iha-hunt sila ng ‘angels of death’. Well, hindi natin alam kung ito bang ‘angels of death’ ay literally mga sinasabing goons ni Quiboloy or just a figurative speech na sinasabi para takutin ang mga bata. Kasama po yan sa ginagawa po nating imbestigasyon,” dugang ni Fajardo.
Nagpanindugan naman ang legal counsel ni Quiboloy nga si Atty. Mark Tolentino nga apisar sini nga mga alegasyon, nagapabilin nga inosente si Quiboloy tubtub nga wala pa ini napamatud-an nga guilty beyond reasonable doubt.#
