Nadiskubrehan kag naaresto sang Polish security services ang isa ka grupo sang ginabanta 10 ka mga indibidwal nga sa likod sang plano nga pagsabotahe sa gobyerno sang Poland.
Suno kay Bombo Neva Intrepido Kessler, international correspondent sa Poland, ang magkaalyado nga Russia kag Belarus ang ginatudlo sa likod sang naaresto nga grupo nga tuyo nga i-destabilise ang Poland.
Pila ka beses na nga ginaakusahan sang Warsaw ang Moscow sa tuyo nga pagsabotahe sa Poland bangud sa papel sini sa pag-supply sang military aid sa Ukraine, apang ini nga alegasyon ang ginapanginwala naman sang Russia.
Ginpahayag ni Kessler nga ini nga mga manugsabotahe nga naga-operate sa Belarus nga may kooperasyon sa Russia, ang nag-penetrate sang local kag central government institutions, kalakip na ang state-owned companies nga nagapatuman sang military contracts.
Dugang niya, mayor nga katuyuan sang grupo amo ang mag- extort sang impormasyon agud mag-blackmail sa mga indibidwal kag institusyon kag maglunsar sang de facto cyberwar.
Una na gintuad sang Polish government nga nag-doble ang cyberattacks humalin sang 2023 nga naga-target sang Polish organisations kag institutions, kalakip na ang logistics companies nga nagadumala sang miilitary deliveries sa Ukraine.
