ILOILO CITY- Nagkalaguba gid ang kapin 20 ka mga balay matapos naglaslas ang isa ka buhawi sa Brgy. Banawon, Hamtic, Antique.
Yara sa 70 ka mga balay naman ang apektado sang landslide kun sa diin 20 diri ang totally destroyed.
Sa subong, ginabanta nga yara sa 27,000 nga pamilya ang apektado sang kalamidad nga resulta sang bagyo Ferdie kag sang habagat.
Sa interview naman sang Bombo Radyo kay Office of Civil Defense Region 6 Director Raul Fernandez, iya ginpahayag nga nagapadayon pa ang assessment sa sitwasyon sa bilog nga rehiyon apang ginkumpirma niya nga ang Antique ang tuman nga naapektuhan.
May isa na man nga narekord nga casualty sa probinsya matapos gin-anod sang nagaragasa nga tubig- baha.
