Subong na nga Lunes, Septyembre 30, ang katapusan nga adlaw nga gintigana para sa voter registration para nga makaboto sa 2025 elections.
Suno kay Commission on Elections (Comelec) Chairman George Erwin Garcia, istrikto ang deadline sa ila nga registration period kag wala na sang extension nga ihatag agud nga indi man maguba ang iban nila nga schedule para sa palaabuton nga piniliay.
Subong man nga adlaw amo ang deadline para sa overseas voting registration.
Indi na pagpalawigon pa ang deadline bangud kinahanglan pa nga i-finalize sang poll body ang voters list, ang project sang precinct kag lista sang mga botante nga igasaylo sa iban nga presento.
Ginalantaw nga madamo ang magadugok subong nga adlaw bangud sa “last-day syndrome” sang mga Pilipino.
Kadungan sini, suspendido man ang issuance sang voter certifications kag registration records subong nga adlaw para nga matutukan ang final day sang registration sa bilog nga pungsod.
Suno sa Comelec en banc, ini nga temporary suspension ang makahatag sang ligwa sa local election offices nga himuon-prayoridad ang applicants sa final day sang rehistrasyon.
“After due deliberation, the Commission en banc, by virtue of the powers vested in it by the Constitution, the Omnibus Election Code, the Administrative Code of 1987, and other relevant statutes, hereby resolves to suspend the issuance of voter certifications and voter registration records on Sept. 30, 2024, in all Offices of Election Officers (OEOs) nationwide to ensure they can cater to all applicants within their jurisdiction and maintain order during the final day of voter registration,” kabahin sang resolution sang en banc.#
