ILOILO CITY – Mapadalagan na naman si Mel Carreon sa May 2025 midterm elections.
Sa interview sang Bombo Radyo kay Carreon, iya ginpahayag nga nagahandom ini nga magdaog bilang Representative sa Lone District of Iloilo City.
Suno kay Carreon, 11 ka beses na ini nga nalutos sa eleksyon, apang wala ini sa gihapon nagakadulaan sang paglaom.
Ini naman ang ikaduha ka beses nga magpadalagan ini bilang kongresista sa syudad.
“Wala ko gani nahadlok magpadalagan bilang President kag Senator.”
Ginpahayag sini nga wala ini nahadlok nga magpadalagan sa anuman nga posisyon sa gobyerno sa diin mangin sa pagka-presidente kag senador, nagpasa man ini sadto sang iya certificate of candidacy (COC) apang wala ini napasugtan sang Commission on Elections (COMELEC).
Nahibaluan nga apisar wala nagakaagi daog sa eleksyon, wala man ini nakaagi nga nakakuha sang ‘zero’ nga boto.
