Ginmanduan ni Presidente Ferdinand Marcos Jr. ang Department of Energy (DOE) nga padayunon ang pagpadasig sang integration sang tanan nga proseso sang applications kag permitting para sa mga energy projects sa energy virtual one-stop shop (EVOSS).
Luyag sang Presidente nga ipahibalo sang DOE sang mas temprano ang mga ahensiya tuhoy sa impending endorsement agud mas madasig nga masuguran ang pagproseso sang permit.
Suno kay Energy Secretary Raphael Lotilla, possible nga ipatuman sang DOE ang suhestiyon sang presidente.
Nahibaluan nga ang malawig nga permitting process kag pila ka permits kag clearances nga gina-require sang government agencies amo ang nagapadula sang gana sang mga investors nga mag-invest sa Pilipinas.
Ini isa sa mga mayor nga issues nga luyag talupangdon sang gobyerno tuhoy sa application sang energy projects.
Ang EVOSS ang ginbuksan sang July 2020 agud magbaton sang online energy-related applications.
As of Sept. 27, indi magnubo sa 56 sa 103 ka energy-related processes ang gin-integrate na sa EVOSS.
Suno sa DOE, target sang gobyerno nga ma- integrate ang tanan nga energy-related processes sa Hunyo 2028.
