Nagpaandam ang Department of Trade and Industry nga magapangatubang sang penalidad ang mga baligyaan nga wala nagatuman sa Suggested Retail Price (SRP).
Suno kay Atty. Jazer Miranda, Officer-in-Charge sang Consumer Protection Division sang Department of Trade and Industry (DTI) Region 6, kalabanan nga produkto nga ginabakal may kaangtanan sa pag-obserbar sang tigkalalag amo ang kandila kag tubig.
(KANDILA 2)
Pahayag ni Miranda, ang SRP sa isa ka pack nga may unod nga dalagko nga kandila ang yara sa P54.10 samtang P65.78 naman ang isa ka pack nga may unod nga 20 ka gagmay nga kandila.
Ang bottled water naman 350 ml. ang may retail price nga P12.00.
Dugang niya, sa tion nga mapamatud-an nga naglapas sa SRP ang isa ka baligyaan ilabi na ang sa merkado kag supermarket, mahimo dagdagan ini sang P1,000.00 tubtob P300,000.00 nga multa.
Sa latest monitoring sang ahensya, nagapabilin nga stable ang presyo kag supply sang kandila sa Panay kag Guimaras samtang nagahilapit ang tigkalalag.
