𝗜𝗟𝗢𝗜𝗟𝗢 𝗖𝗜𝗧𝗬 – Indi lamang pagpasiguro sang kalinong kag katawhay sa kadagatan ang ginatutukan sang Philippine Coast Guard sa Western Visayas kundi, nagabulig man sila sa pag-address sang isa sa dako nga kinahanglanon sang publiko nga amo ang dugo.
Sa interview sang Bombo Radyo kay Commander Rechard Gura, Chief of Staff sang Coast Guard District Western Visayas, iya ginpahayag nga mangin sila ang maga-upod kag magasuporta man sa Dugong Bombo 2024, A Little Pain, A Life to Gain.
Suno kay Gura, importante ang pagdonar sang dugo bangud nga indi lamang ini makabulig sa isigkapareho kundi makapa-ayo man sa pamatyag sang isa ka tawo.
Mga Ka Bombo kag Ka Starnation… gina-imbitaran namon kamo tanan nga magpalista, magbulig kag mangin blood donor sa Dugong Bombo 2024, A Little Pain, A Life to Gain subong nga Nobyembre 16, 2024 sa Iloilo Science and Technology University sa Burgos St, La Paz, Iloilo City.
Ang ini nga bloodiest single-day blood donation program ang patigayunon sa 24 key cities sa diin makit-an ang 31 fully digitalized Bombo Radyo kag Star FM stations.
Kaupod ang Bombo Radyo Philippines Foundation, Inc. kag Philippine Red Cross.
Sa adlaw sang Dugong Bombo, magapanagtag sang Dugong Bombo T-shirt kag snacks.
