Ginpakigbahin ni Kris Aquino nga naka-isolate na siya subong bangud sa nagalala nga kondisyon sang iya ikaayong-lawas kag mas paghina sang iya nga immune system.
Base ini sa health update nga ginpaguwa sini kahapon, Nobyembre 10.
Suno sa anay Queen of All Media, nagnubo ang iya white blood cells kag may allergic reaction sa katapusan sini nga antibiotic nga matolerar pa sini subong.
Buot silingon sini suno sa iya, wala na gid siya sang ibato sa viral ukon bacterial infection.
“What did that mean- wala na kong panlaban sa kahit anong viral or bacterial infection. I’m now in isolation. So many rules for family & friends na gusto akong dalawin. Yes, it’s lonely,” suno kay Kris.
Kaangot sa iya recent treatment, gin-share ni Kris nga may yara siya sang peripherally inserted central catheter (PICC) line duha ka semana na ang nagligad samtang yara sa ospital.
“Exactly 2 weeks ago, i had an Ultrasound guided PICC LINE INSERTION, the minimally invasive surgery was done in Makati Medical Center,” kabahin sang Instagram post.
“I always try my best to highlight the positive because having 6 autoimmune conditions is depressing (hindi po ako nagkamali, in my last update i had 5 diagnosed autoimmune disorders, but just like the Pop Mart Care Bears na 6 ang laman given to me by my new friends @rouge_and_orange #6 is the supremely punishing RHEUMATOID ARTHRITIS).”
“Kahit gaano katapang ako, there are moments especially pag nagsabay sabay my unexplainable allergies, my lupus (rashes, fever like heat in my entire body, migraine) and rheumatoid arthritis flares (the worst, stabbing/crushing deep bone pain in my knees, hips, ankles) plus my high blood pressure (170/116); i ask myself KAYA KO PA BA?”
Bisan gina-ako ni Kris nga daw nagakadulaan na siya sang paglaum sa iya nga auto-immune conditions, nagabato gihapon siya bangud indi sini gusto nga ma-disappoint ang mga nagapangamuyo para sa iya.
“What keeps me going? I REFUSE TO DISAPPOINT ALL THOSE PRAYING FOR ME. Ayokong maisip nyo na binalewala ko yung time & effort ninyo. Because your compassion has deeply touched my heart. Kaya #bawalsumuko #tuloyanglaban,” dugang sini.
Antes sini, una na nga gin-anunsyo ni Kris nga magabalik siya sa isa ka show sa telebisyon antes magtakop ang 2024.
Gin-share man sini anay sang October 20 ang iya cancer scare apang ginklaro sang doctor nga hilway siya sa amo nga balatian.#
