Naggasto ang Office of the President sa idalom ni Ferdinand Marcos Jr. sang P4.57 billion nga confidential kag intelligence funds sang 2023.
Base ini sang Commission on Audit Annual Financial Report.
Suno sa COA,ang Office of the President amo ang top spender sang confidential kag intelligence funds sang 2023 nga mas mataas sa P4.51 billion sang 2022.
Sa kabilugan, P2.2 billion ang para sa confidential expenses, P2.3 billion para sa intelligence expenses kag P10 million para sa extraordinary kag miscellaneous expenses.
Nagpangaduha naman ang Department of Justice nga top spender sang confidential funds nga yara sa P683.85 million.
Ang figure naglakip sang expenses halin sa Office of the Secretary, National Bureau of Investigation kag Bureau of Immigration.
Ginasundan sang Philippine Drug Enforcement Agency, nga may P500 million.
Ang iban nga nalakip sa top spenders sang confidential expenses amo ang Office of the Vice President (P375 million); National Intelligence Coordinating Agency (P127.41 million); National Security Council (P90 million); Department of National Defense (P78.92 million); kag Department of Interior and Local Government (P75 million).
Ang breakdown sang COA nagapakita naman nga ang OVP naggasto sang mas mataas nga confidential funds kun ipaanggid sa gintingob nga nagasto sang National Intelligence Coordinating Agency , National Security Council, kag National Bureau of Investigation.
