Nagpalupad ang Israeli warplanes sang ginatos ka mga airstrikes sa palibot sang Syria kalakip na ang kapital sini nga Damascus.
Suno sa UK-based Syrian Observatory for Human Rights (SOHR), nakarecord sila sang masobra 310 strikes sang Israel Defense Forces (IDF) humalin sang napahalin si Bashar al Assad.
Samtang, ginkumpirma sang Israel Defense Forces nga may mga tropa sila nga naga- operate sa Syrian territory sa gwa sang demilitarized buffer zone sa tunga sang Syria kag Israeli-occupied Golan Heights.
Gindugang sini nga ang strikes may katuyuan nga punggan ang mga armas nga magtupa sa kamot sang mga extremists samtang nga yara ang Syria sa transisyon padulong sa post-Assad era.
Ginreport man sang Syrian Observatory for Human Rights nga ang atake ang nagsakop sang Aleppo, Damascus kag Hama.
Gin-target nila ang military facilities sang Syrian Army, kalakip na ang weapon warehouses, ammunition depots, airports, naval bases kag research centres.
Suno pa sa reports, madamo nga mga pasilidad nga naigo ang naubos gid was-ag.
