Gin-athag sang Korte Suprema nga indi makabig nga ‘disgraceful’ ukon ‘immoral’ ang premarital sexual relations nga naga-resulta sa pagbusong kag indi man ini pwede himuon nga rason agud nga i-suspinde ang isa ka empleyado.
Nakasaad ini sa 18 ka pahina nga desisyon sang Supreme Court First Division kaangot sa kaso sang isa ka Christian School sa Bohol nga nag-suspend sang isa ka grade school teacher sang 2016 bangud nagbusong ini bisan indi kasado.
Ini nga maestra ang nagatudlo sang language, physical education, arts, mother tongue, kag writing sa Bohol Wisdom School.
Sang September 2016, sang duha ka bulan na ang ginabusong sang teacher, nagpanugid siya sa ila nga principal kag sa administrative team head.
Sunod siya nga gin-suspend “verbally” sang pinuno sang administrative team kag ginsilingan nga indi mag-report sa klase kun wala sang mapakita nga dokumento nga nagapamatuod nga kasado na siya sa mangin amay sang iya bata. Nakabaton man ang teacher sang written notice nga suspended siya “indefinitely without pay” bangud sa “immorality.”
Nag-file sang reklamo ang manunudlo bangud sa illegal suspension.
Ginpahayag sang Labor Arbiter nga “constructively dismissed” ang natungdan, apang ginbaliskad naman sang National Labor Relations Commission ini nga desisyon. Sa pihak nga bahin, ginpahayag naman sang Court of Appeals nga wala sang constructive dismissal, apang iligal ang amo nga suspension.
Ginpasaka ini sa SC nga amo ang pinakamataas nga korte sa Pilipinas. Diri kag ginpabakod sang Korte Suprema ang findings sang appellate court nga illegal ang suspension sa maestra.
Ginsaad man nga indi immoral ang sexual intercourse sa tunga sang duha ka consenting adults kun wala man sila sang bana ukon asawa.
Base pa sa paathag sang high tribunal, wala sang layi nga nagadumili sa sini nga sahi sang relasyon kag wala man sang ginlapas nga anuman nga fundamental state policies nga nakasad sa Constitution.
“Sexual intercourse between two consenting adults who have no legal impediment to marry, like respondent and her boyfriend, is not deemed as immoral. No law proscribes such, and said conduct does not contravene any fundamental state policy enshrined in the Constitution,” suno sa desisyon.
Paathag pa sang Supreme Court, sa legal contexts, ang moralitidad dapat i-base sa public kag secular standards sa baylo nga sa religious doctrine.
“Public and secular morality refers to conduct proscribed because they are detrimental to conditions upon which depend the existence and progress of human society. Otherwise, if government relies upon religious beliefs in formulating public policies and morals, the resulting policies and morals would require conformity to what some might regard as a religious program or agenda,” suno sa court ruling.
Bangud indi makonsiderar nga immoral ang pagbusong sang maestra, ginsaad man sa ruling sang SC nga indi ini valid ground para sa suspension.
“Suspension from work must be reasonable to meet the constitutional requirement of due process of law. It will be reasonable if it is based on just or authorized causes enumerated in the Labor Code. The employee must also be given notice and the opportunity to be heard before judgment is rendered,” base pa sa ruling.
Ginmanduan sang korte ang eskwelahan nga bayaran ang wages kag benefits sang maestra nga covered ang tion nga suspendido siya sa trabaho.#
