ILOILO – Ginpakakas ni Iloilo Governor Arthur Defensor Jr. ang iya intelligence fund balor P20 million.
Sa pagkamatuod, ang intelligence fund ang ginapahanugutan sa executive budget.
Sa interview sang Bombo Radyo kay Iloilo 4th District Board Member Domingo Oso Jr., Chairman sang Committee on Appropriations sang Sangguniang Panlalawigan, iya ginpahayag nga may yara na sang hingyo ang gobernador sadto pa lang nga i-transfer na lang sa donations ang iya intelligence fund.
Suno kay Oso, sa intelligence fund ginakuha ang assistance para sa peace and order kag indi ini strikto sa mga dokumento nga ginapasa.
Aopang kun donation pahayag sang Board Member, nagakinahanglan ang gid ang specific document ukon requirements ang mga benepisyaryo.
Nahibaluan nga kahapon, Disyembre 17, gin-aprubahan sang Sangguniang Panlalawigan ang 2025 budget nga P4,849,438,886 nga General Fund kag P1,127,641,541 para sa Local Economic Enterprise.
