Ginpamatud-an sang isa ka iloy nga wala sang katupong ang iya paghigugma sa iya anak nga may Stage 5 chronic kidney disease.
Sa interview sang Bombo Radyo kay Rachel Mendoza, iya ginpahayag nga Hulyo 2018 sang naga-edad ini sang 22 anyos, gin-diagnose ini sa nasambit nga balatian.
Apat ka tuig siya nga nagatrabaho bilang call center agent sang nahibaluan sini ang iya balatian.
Suno kay Rachel ang iya iloy nga si Elvie Abalo Mendoza nga tumandok sang Zamora Street, Barotac Nuevo, Iloilo, amo ang naghatag sa iya sang kabakod sa pihak sang kabudlay sa ikaayong lawas nga iya nabatyagan.
Disyembre 2018 naman sang nag-umpisa ang iya dialysis sa diin ginapatigayon ini tatlo ka beses sa sulod sang isa ka semana.
Hulyo subong nga tuig, nagwa nga may bukol sa iya kidney sa diin kinahanglan
sa diin ginahulat pa ang resulta sang iya biopsy agud matumod kun may yara ini sang damage ukon balatian.
Magaserbe naman nga donor sa iya kidney ang iya iloy sa diin possible nga patigayunon ang surgery sa Enero ukon Pebrero sa masunod nga tuig.
Nagalaom man ini nga malampuwasan niya ang nasambit nga pagtilaw sa kabuhi.
