Ginpahanumdom sang Department of Labor and Employment (DOLE) sa mga tag-iya sang mga establisyemento sa pribado nga sektor nga subong nga adlaw, Disyembre 24, ang deadline sang paghatag sang 13th month pay.
Suno kay DOLE Secretary Bienvenido Laguesma, ma-abi-abi gid indi lamang sang ahensya kundi sang mga empleyado kun mahatag na ang amo nga benepisyo.
Required ini sa idalom sang Labor Code of the Philippines kag Presidential Decree 851.
“Just to reiterate my earlier message and appeal for all employers to pay the 13th month of their employees on the deadline set by law which is Dec. 24,” pahayag sang tiglikom. “It would have been very much appreciated if payment has already been made. In any case, paying it tomorrow will be a manifestation of their concern for the welfare of their employees.”
Ang paghatag sini nga kantidad ang pagpakita man suno sa opisyal nga may pag-ulikid ang employers sa ikaayo sang ila mga empleyado.
Sa ngalan sang espiritu sang Paskuwa, ginpahayag ni Laguesma nga wala siya nagapaandam sa employers kundi nagaapelar lamang nga ihingagaw na hatag ang 13th month pay kun wala pa ini na-release.
“In the spirit of the season, I would not want to make a warning but rather appeal to employers who have not yet paid the 13th month to show an act of love and malasakit to their workers by voluntarily complying with the mandate of the law,” pahayag sini.
Pananglitan maglampas ang deadline, nagpahayag man ang DOLE secretary nga mahimo na ma-report sang employees sa ila ahensya kun wala pa gid nahatag ang benepisyo.
“In any case, workers who did not get paid can seek the assistance of the nearest DOLE office having jurisdiction in their places of work. This way, their employers can be summoned by the DOLE to appear so that the issue of non-payment can be resolved,” dugang sini.
