Gin-ako sang traffic aide nga nagamanihar sang Ungka Flyover nga wala matalupangdan sang wing van ang vertical clearance rason nga nasab-it ini.
Sa interview sang Bombo Radyo kay Ret. PCOL. Uldarico Garbanzos, head sang Iloilo City Traffic Management Unit (ICTMU), iya ginpahayag nga sa ila bahin, nag-issue sila sang traffic citation ticket sa wing van bangud sa pagbayolar sini sa flyover ordinance sang syudad nga 2023-260.
Suno kay Garbanzos, nakadependi naman sa kapulisan ang ila mangin disposisyon sa van kasunod man sa ila ginpatuman nga imbestigasyon.
Nag-request naman ang Department of Public Works and Highways (DPWH) 6 sang pila ka mga rekisitos antes nga buy-an ang driver sang van nga nakasab-it sa vertical clearance.
Una na nga natabo ang kaangay nga insidente sa isa ka modernized bus antes pa man ginbuksan ini sa iya full capacity.
