Dead on the spot ang isa ka security guard matapos nga gintiro sang isa ka pulis sa sulod sang isa ka bus sa Barangay Batasan, Makilala, Cotabato.
Ang biktima amo si Reynaldo Bigno Jr. nga residente sang Sitio Flortam, Batasan, Makilala, Cotabato.
Ang suspek amo si PCpl. Alfred Dawatan Sabas nga assigned sa Police Station 7 sa General Santos.
Base sa inisyal nga imbestigasyon, kaupod ni Cpl. Sabas ang iya live-in partner apang gintukar ini sang anxiety magluwas pa nga hubog ini kag didto na natabo ang pagtiro niya sa isa ka pasahero.
Nahibaluan nga pagkatapos sang pagpangluthang, ginsilingan sang suspek ang driver nga ipadayon ang pagbyahe.
Sang nag-abot sa bahin sang border checkpoint sang 1104th RMFB 11 sa Kinuskusan, Bansalan, Davao del Sur, ginmanduan sang suspek and driver sang bus nga mangayo sang bulig.
Apang, ginpangtiro naman sini ang mga pulisya sa checkpoint kun sa diin duha ang naigo kag madasig man nga gindala sa ospital.
Yara na sa kustodiya sang kapulisan ang nasambit nga suspek.
