𝗜𝗟𝗢𝗜𝗟𝗢 𝗖𝗜𝗧𝗬 – Nag-request ang kapulisan sa pagpatigayon sang signal jamming sa mga lugar sa Iloilo City nga hiwatan sang Dinagyang Festival 2025.
Sa interview sang Bombo Radyo kay Police Major Shella Mae Sangrines, spokesperson sang Iloilo City Police Office, iya ginpahayag nga nagpadala sila sang sulat sa Iloilo Festivals Foundation, Incorporated (IFFI) kaangot sa nasambit nga request.
Suno kay Sangrines, ini ang kabahin sang security frameworks sa mga mayor nga aktibidad kaangot sa Dinagyang Festival.
Ginpahayag man sini nga maistorya pa sila sa Iloilo City Government kaangot sa nasambit nga plano.
Nahibaluan nga tubtob subong, wala pa sang may nabaton nga sulat ang Iloilo City Council nga amo ang magapasar sang ordinansa sa pagpatigayon sang plano nga signal jamming.
