Wala sang na-report nga Pinoy nga naulamid sa duha ka magkasunod nga ginapahayag terror attack sa Estados Unidos sang Amerika.
Ang una nga insidente ang ginakaulamiran sang isa ka Tesla Cybertruck ang nagsigabong sa gwa sang Trump International Hotel sa Las Vegas, Nevada samtang isa naman ka pickup truck ang nang-arado sang mga tawo sa Bourbon Street sa New Orleans, Louisiana.
Suno kay Bombo Mary Drake, international correspondent sa Amerika, nagapadayon pa subong ang imbestigasyon sang Federal Bureau of Investigation (FBI) sa insidente.
Wala naman ginadula sang FBI ang posibilidad nga may mga kaangtanan ang duha ka mga pag-atake.
Nahibaluan nga 15 ang napatay sa terror attack sa New Orleans sa diin ang suspek amo si Shamsud-Din Jabbar, 42, isang U.S.-born citizen kag army veteran halin sa Texas.
Isa ka hayahay naman sang Islamic State of Iraq and Syria (ISIS) ang nakita sa pickup truck nga iya ginrentahan kag ginatinguhaan naman sang FBI nga matumod ang kaangtanan sini sa anuman nga organisasyon sang terorista.
Nagsulod si Jabbar sa army sang 2007, aktibo siya sa serbisyo sa human resources kag information technology kag nadestino sa Afghanistan humalin sang 2009 tubtob 2010.
Nagsaylo siya sa Army Reserve sang 2015 kag naghalin sang 2020 nga may rangko nga staff sergeant.
