𝗜𝗟𝗢𝗜𝗟𝗢 𝗖𝗜𝗧𝗬 – Ginpalab-ot na sang Iloilo City Government sa Iloilo City Police Office (ICPO) ang gin-report nga pagpang-ransak sa Iloilo Terminal Market ukon Super.
Sa interview sang Bombo Radyo kay Maricel Mabaquiao, pinuno sang Local Economic Enterprise Office (LEEO), iya ginpahayag wala man napalab-ot sa Market in Charge ang nasambit nga issue.
Gin-ako man sini nga bangud tuman kalapad ang sakop sang temporary stalls, indi nila ini mabantayan sa tanan nga oras.
Suno kay Mabaquiao, may market guard naman nga nagalibot sa nasambit nga merkado agud indi na masulit pa ang nasambit nga pagpang-ransack.
Ginpahayag sini nga santo sa ila imbestigasyon, nagwa nga lunsay mga kabataan ang sa likod sang nasambit nga pagpang-ransack.
Ginpanugyanan man sini ang mga vendors nga magbilin sang ila bantay sa tagsa ka mga baligyaan ilabi na sa tion sang kagab-ihon.
-𝗪𝗶𝘁𝗵 𝗮 𝗿𝗲𝗽𝗼𝗿𝘁 𝗳𝗿𝗼𝗺 𝗕𝗼𝗺𝗯𝗼 𝗔𝗻𝗴𝗲𝗹 𝗧𝗮𝗻
