Ginbasura sang New York appellate court ang appeal ni President-elect Donald Trump nga indi pagdayunon ang pagsentensiya sa iya sa Biyernes kaangot sa pag-convict sa iya sa criminal charges nga nag-ugat sa hush money nga ginbayad sa isa ka porn star.
Ang amo nga request ni Trump sa korte ang nagarepresentar sang ulihi nga pagtinguha sini nga balabagan ang ruling sang trial judge nga dayunon ang pagbasa sang sentensiya nga natalana 10 ka adlaw antes ang iya inagurasyon.
Sa ruling sang Lunes, ginbasura ni Justice Juan Merchan ang request halin sa abogado ni Trump nga ipaiway ang pagsentensiya samtang ila ginaapelar ang duha sa nauna nga rulings sang huwes nga i-uphold ang guilty verdict sang Mayo sang huwes sa Manhattan sa 34 felony counts sang pagpeke sang mga business records.
Gintawag sang judge nga “a repetition of the arguments he has raised numerous times in the past” ang delay request ni Trump.
Sa pagbasa sang sentensya sa Biyernes, ginsiling ni Merchan nga indi ini inclined nga ipapreso gid si Trump.
Suno sa iya, ang sentence sang unconditional discharge, nga magadagdag sang judgment of guilt sa record ni Trump nga wala sang penalidad ukon probation, amo ang pinaka- praktikal nga approach ilabi na nga natalana nga magbalik ini sa posisyon bilang presidente.
